Fredag 18. november vart det arrangert nattcup for konfirmantar i SBM arena. Lag frå Spjelkavik tok med seg ein del av premiane, og det var ikke langt unna at vi kunne gjort reint bord!
Laga frå Spjelkavik nådde finalen i alle 3 turneringane. I fotballfinalen tapte Sukkerklompen mot eit lag frå Ålesund og i innebandyfinalen tapte Team vanlig mot eit lag frå Borgund. Så i og for seg så vart fordelingen mellom kyrkjelydane ganske god. Gratulerer med 2.-plass, vær stolt av det også!
I volleyballfinalen var det 2 lag frå Spjelkavik, så då var resultatet ikkje så viktig (eller kanskje det var det?). Hardyguttene og Frøken Detektiv vann i alle fall finalen. Gratulerer! Finalemotstandar og 2.-plassvinner var Klompelompen. Bjarte prest må ha trent konfirmantane sine godt (Sukkerklompen, Klompelompen og Hardyguttene og Frøken Detektiv er alle frå Bjarte sine KRIK-grupper).
Spjelkavik fikk også pris for beste lagnavn: Team TaogholdKjeftenpåD. Vi tok også førstepris i quiz-konkurransen: Lavmål mot nye høyder (Benjamin, Andreas, Sebastian, Michael og Øyvind) fekk 20 rette av 25 mulige.
Håper alle hadde ein fin kveld/natt. Takk til alle foreldre som var med som hjelp og gratulerer igjen til alle vinnarar, nesten-vinnarar og alle som la inn ein flott innsats!
